⚡️RASMIY MUNOSABAT

Ijtimoiy tarmoqlarda tarqalgan ( https://t.me/Kar24Uz/46369https://www.instagram.com/p/DMoC1aVooCt/) murojaatga Qoraqalpog‘iston Respublikasi Avtomobil yo‘llari bosh boshqarmasi rasmiy munosabat bildiradi.

Ijtimoiy tarmoqlarda dunyo bo‘ylab velosipedda sayohat qilayotgan xorijlik turist tomonidan e’lon qilingan videomurojaat jamoatchilik e’tiborini tortdi. Unda u Qoraqalpog‘iston Respublikasi hududidan o‘tayotgan chog‘ida yo‘lning ayrim qismlaridagi holat bo‘yicha o‘z taassurotlarini bildirgan.

Ayni paytda videomaterialda yo‘l qismining aynan qaysi hududga tegishli ekani aniq ko‘rsatilmagan. Shu sababli mazkur murojaatda ko‘tarilgan muammo bo‘yicha mas’ullar tomonidan qo‘shimcha o‘rganish va aniqlashtirish ishlari olib borilmoqda.

Ma’lumot o‘rnida aytish joizki, Qoraqalpog‘iston Respublikasi hududidan o’tgan avtomobil yo‘llarini bosqichma-bosqich ta’mirlash, rekonstruksiya qilish va yangilash ishlari tegishli dasturlar asosida muntazam ravishda amalga oshirilmoqda. Ayniqsa, turizm yo‘nalishlari o‘tgan hududlarda yo‘l infratuzilmasini yaxshilash bo‘yicha alohida e’tibor qaratilmoqda.

Sayohatchining fikrlari yo‘l tarmoqlarini yanada takomillashtirish borasida biz uchun muhim taklif va turtki hisoblanadi. Bildirilgan mulohaza tegishli tashkilotlar tomonidan o‘rganilib, zarur hollarda amaliy choralar belgilanadi.

Qoraqalpog‘iston Respublikasi Avtomobil yo‘llari bosh boshqarmasi axborot xizmati