⚡️RÁSMIY MÚNÁSIBET

Sociallıq tarmaqlarda tarqalǵan múrájatqa (https://t.me/Kar24Uz/46369https://www.instagram.com/p/DMoC1aVooCt/) Qaraqalpaqstan Respublikası Avtomobil jolları bas basqarması rásmiy múnásibet bildiredi.

Sociallıq tarmaqlarda dúnya boylap velosipedte sayaxat etip atırǵan sırt elli turist tárepinen járiyalanǵan videomúrájat jámiyetshiliktiń itibarın tarttı. Onda ol Qaraqalpaqstan Respublikası aymaǵınan ótip atırǵanda joldıń ayırım bólimlerindegi jaǵday boyınsha óz tásirlerin bildirgen.

Házirgi waqıtta videomaterialda jol bóleginiń anıq qaysı aymaqqa tiyisli ekeni anıq kórsetilmegen. Sol sebepli bul múrájatta kóterilgen mashqala boyınsha juwapkerler tárepinen qosımsha úyreniw hám anıqlastırıw jumısları alıp barılmaqta.

Maǵlıwmat ornında aytıw kerek, Qaraqalpaqstan Respublikası aymaǵınan ótken avtomobil jolların basqıshpa-basqısh ońlaw, rekonstrukciyalaw hám jańalaw jumısları tiyisli baǵdarlamalar tiykarında turaqlı túrde ámelge asırılmaqta. Ásirese, turizm baǵdarları ótken aymaqlarda jol infrastrukturasın jaqsılaw boyınsha ayrıqsha itibar qaratılmaqta.

Sayaxatshınıń pikirleri jol tarmaqların bunnan bılay da jetilistiriw baǵdarında biz ushın áhmiyetli usınıs hám túrtki bolıp esaplanadı. Bildirilgen pikir tiyisli shólkemler tárepinen úyrenilip, zárúr jaǵdaylarda ámeliy ilajlar belgilenedi.

🏢Qaraqalpaqstan Respublikası Avtomobil jolları bas basqarması málimleme xızmeti