Tiykarǵı wazıypaları hám funksiyaları

Bas basqarmanıń tiykarǵı wazıypaları hám funkciyaları.

Bas basqarmanıń tiykarǵı wazıypaları:

Qaraqalpaqstan Respublikası aymaǵında avtomobil jolları tarawında Shólkemlestiriwshiniń birden-bir texnikalıq siyasatın alıp barıw;

Qaraqalpaqstan Respublikasındaǵı avtomobil jolların rawajlandırıw mámleketlik baǵdarlamalarınıń joybarların islep shıǵıw hám Shólkemlestiriwshige kirgiziw jáne tastıyıqlanǵan mámleketlik baǵdarlamalardı ámelge asırıw;

Qaraqalpaqstan Respublikasındaǵı avtomobil jolları tarmaqların rawajlandırıw hám jetilistiriw perspektivaların belgilew boyınsha Shólkemlestiriwshige usınıslar kirgiziw;

Qaraqalpaqstan Respublikası aymaǵınan ótetuǵın avtomobil jollarınıń xalıqaralıq tranzit koridorların qáliplestiriw hám rawajlandırıw boyınsha usınıslar islep shıǵıw hám Shólkemlestiriwshige kirgiziw;

Zamanagóy transport aǵımı sharayatlarında avtomobil jollarınan paydalanıwshılardıń máplerin esapqa alıp, avtomobil jollarınan paydalanıw máseleleriniń kompleksli sheshiliwin támiyinlew;

Ulıwma paydalanıwdaǵı avtomobil jolların saqlaw, aǵımdaǵı ońlaw, tábiyǵıy apachılıq aqıbetlerin aldın alıw hám saplastırıw jáne úskenelew (texnika, mashina-mexanizmler, texnologiyalıq úskenelerdi satıp alıw) jumısları boyınsha buyırtpashılıq wazıypasın ámelge asırıw hám sapası ústinen qadaǵalawdı alıp barıw;

xojalıqlar aralıq awıllıq avtomobil jollarınıń, qalalar, qala posyolkaları, awıllar hám posyolkalar kóshelerin joybarlastırıw, qurıw, rekonstrukciyalaw hám ońlaw jumısların muwapıqlastırıw;

ilimiy-izertlew jumısların shólkemlestiriw, avtomobil jolların joybarlastırıw, qurıw, rekonstrukciyalaw, ońlaw hám saqlaw tarawında innovaciyalıq texnologiyalar hám zamanagóy standartlardı engiziw;

avtomobil jolları tarawında kadrlardı tayarlaw, qayta tayarlaw hám olardıń mamanlıǵın arttırıwdı, oqıw-ámeliyat kursları hám seminarlardı shólkemlestiriw.

Bas basqarma ózine júklengen wazıypalarǵa muwapıq tómendegi Funkciyalardı ámelge asıradı:

ulıwma paydalanıwdaǵı avtomobil jolların aǵımdaǵı ońlaw hám saqlaw baǵdarında texnikalıq jaqtan tártipke salıw tarawındaǵı normativlik hújjetler talaplarına ámel etiliwin támiyinlew;

ulıwma paydalanıwdaǵı avtomobil jolların ońlaw hám saqlawda uchastkalarda háreket qáwipsizligin támiyinlewge qaratılǵan ilajlardı ámelge asırıw;

jol háreketi qáwipsizligin támiyinlew maqsetinde avtotransport qurallarınıń háreketin waqtınsha sheklew yamasa toqtatıwdı engiziw boyınsha tiyisli usınıslar kirgiziw;

Bas basqarma quramındaǵı kárxana hám shólkemlerdegi mobilizaciyalıq tayarlıq boyınsha olardıń jumısın qadaǵalaw hám muwapıqlastırıw;

ulıwma paydalanıwdaǵı avtomobil jolları mámleketlik kadastrın júrgiziw;

avtomobil jolları, qalalar hám basqa da elatlı punktler kósheleriniń esabın júrgiziw;

avtomobil jollarınıń texnikalıq jaǵdayına qarap avtomobil jolların qurıw, rekonstrukciyalaw hám ońlawdıń hár jıllıq baǵdarlamaların qáliplestiriw boyınsha Shólkemlestiriwshige usınıslar kirgiziw hám tastıyıqlanǵan baǵdarlamalardı ámelge asırıw;