🎓 Yo‘l muhandisligi yo‘nalishi talabalari bilan amaliyot oldidan ochiq muloqot o‘tkazildi

Bugun Berdaq nomidagi Qoraqalpoq davlat universitetining Arxitektura fakulteti “Yo‘l muhandisligi” yo‘nalishida tahsil olayotgan 2–3-bosqich talabalari bilan amaliyot oldidan ochiq muloqot tashkil etildi.

Uchrashuv Qoraqalpog‘iston Respublikasi Avtomobil yo‘llari bosh boshqarmasi majlislar zalida o‘tkazildi. Uchrashuvda Boshqarma bosh muhandisi Yusup Ernazarov, boshqarma boshlig‘i o‘rinbosari Ravshanbek Ibragimov, inson resurslari bo‘yicha inspektor hamda universitetning o‘qituvchilari ishtirok etdi.

Dastlab talabalarga yo‘l xo‘jaligi tizimi, amaliyot tartibi, ishlab chiqarishdagi texnik xavfsizlik qoidalari va kasbga oid mas’uliyat haqida batafsil tushunchalar berildi. Shuningdek, ular o‘zlarini qiziqtirgan savollar bilan mutaxassislar bilan ochiq suhbat olib bordilar.

Uchrashuv yakunida talabalar amaliy mashg‘ulotlarni o‘tash uchun tegishli tumanlardagi Yo‘llardan foydalanish davlat muassasalariga yo‘naltirildi.

Mazkur uchrashuv talabalarning kelajakdagi kasb faoliyatiga tayyorlanishida muhim bosqich bo‘lib, amaliy bilimlarni egallashda muhim ahamiyat ega bo’ldi.