⚡️Qo‘ng‘irotda yo‘l chiziqlari yangilandi

D231 “Qo‘ng‘irot–Mo‘ynoq” avtomobil yo‘lining Qo‘ng‘irot tumani hududidan o‘tuvchi qismida yotiq yo‘l chiziqlari yangidan chizildi. Ushbu ishlar, bir qarashda, oddiy texnik xizmat ko‘rinishida tuyulishi mumkin. Biroq amalda bu jarayon fuqarolarning hayoti va yo‘l harakati xavfsizligini ta’minlashda muhim ahamiyat kasb etadi.

Yotiq yo‘l chiziqlari — transport vositalarining harakatlanish yo‘nalishini aniqlashtirib beruvchi, tartibni saqlovchi va yo‘ldagi harakat ishtirokchilarining o‘zaro muvofiqligini ta’minlovchi eng asosiy vositalardan biridir. Ayniqsa, tungi va noqulay ob-havo sharoitlarida ushbu chiziqlarning aniq va yorqin bo‘lishi haydovchilar uchun katta qulaylik yaratadi. Yangilangan yo‘l chiziqlari orqali transport oqimini to‘g‘ri boshqarish, avtohalokatlar xavfini kamaytirish, yo‘l-transport hodisalarining oldini olishga erishiladi.