⚡️Qońıratta jol sızıqları jańalandı

📍D231 “Qońırat-Moynaq” avtomobil jolınıń Qońırat rayonı aymaǵınan ótiwshi bóleginde jatıq jol sızıqları jańadan sızıldı. Bul jumıslar, bir qaraǵanda, ápiwayı texnikalıq xızmet kórinisinde kóriniwi múmkin. Biraq ámelde bul process puqaralardıń ómiri hám jol háreketi qáwipsizligin támiyinlewde ayrıqsha áhmiyetke iye.

Jatıq jol sızıqları – transport qurallarınıń háreketleniw baǵdarın anıqlastırıp, tártipti saqlaw hám joldaǵı háreket qatnasıwshılarınıń óz-ara muwapıqlıǵın támiyinlewshi eń tiykarǵı qurallardan biri bolıp esaplanadı. Ásirese, túngi hám qolaysız hawa-rayı sharayatlarında bul sızıqlardıń anıq hám jarqın bolıwı aydawshılar ushın úlken qolaylıq jaratadı. Jańalanǵan jol sızıqları arqalı transport aǵımın durıs basqarıw, avtoavariyalar qáwpin azaytıw, jol-transport hádiyseleriniń aldın alıwǵa erisiledi.