🌧 SEL OQIBATI BARTARAF ETILMOQDA

📍Kuni kecha kuchli sel kelishi oqibatida A380 «G‘uzor–Buxoro–Nukus–Beyneu» avtomobil yo‘lining Qoratov hududidan o‘tuvchi uchastkalarida hamda D239 avtomobil yo‘lining (A380 avtomobil yo‘lining 661-km qismi) Qizilqal’a ovuli – Bo‘ston shahri – Guldursun qishlog‘i – To‘rtko‘l shahri yo‘nalishidagi 9–10-kilometr oralig‘ida yo‘lning o‘ng tomonida joylashgan yo‘l cheti sel oqimi ta’sirida yuvilgan edi.

🚨 Mazkur holat yuzaga kelishi bilan yo‘l xodimlari zudlik bilan voqea joyiga yetib borib, zarur choralarni ko‘rdi. Jumladan, sel oqimining avtomobil yo‘liga zarar yetkazishining oldi olinib, suv o‘tkazuvchi quvurlar orqali suvning erkin oqib ketishi ta’minlandi hamda xavfli hududlarda tezkor ishlar olib borildi.

🚧 Bugungi kunda ushbu uchastkalarda sel oqibatida zararlangan yo‘l chetlarini tiklash, mustahkamlash va yo‘l infratuzilmasini to‘liq me’yoriy holatga keltirish ishlari jadal davom ettirilmoqda.

🚗 Haydovchilardan ushbu yo‘nalishlarda harakatlanishda ehtiyotkor bo‘lish, belgilangan vaqtinchalik yo‘l belgilariga amal qilishni so‘raymiz.