🌧 SEL AQIBETLERI SAPLASTIRILMAQTA

📍Kúni keshe kúshli sel keliwi aqıbetinde A380 “Ǵuzar-Buxara-Nókis-Beynew” avtomobil jolınıń Qarataw aymaǵınan ótetuǵın uchastkalarında hám D239 avtomobil jolınıń (A380 avtomobil jolınıń 661-km bólegi) Qızılqala awılı – Bostan qalası – Guldursun awılı – Tórtkúl qalası jónelisindegi 9-10-kilometr aralıǵında joldıń oń tárepinde jaylasqan jol sheti sel aǵısı tásirinde juwılǵan edi.

🚨Bul jaǵday júzege keliwi menen jol xızmetkerleri jedellik penen waqıya ornına jetip barıp, zárúr ilajlardı kórdi. Atap aytqanda, sel aǵısınıń avtomobil jolına zıyan jetkeriwiniń aldı alınıp, suw ótkeriwshi qubırlar arqalı suwdıń erkin aǵıp ketiwi támiyinlendi hám qáwipli aymaqlarda operativ jumıslar alıp barıldı.

🚧 Búgingi kúnde bul uchastkalarda sel aqıbetinde zıyanlanǵan jol shetlerin tiklew, bekkemlew hám jol infrastrukturasın tolıq normativlik jaǵdayǵa keltiriw jumısları jedel dawam ettirilmekte.

🚗 Aydawshılardan usı jónelislerde háreketleniwde abaylı bolıwı, belgilengen waqtınshalıq jol belgilerine ámel etiwin soraymız.