⚡️Uychin MFY hududidagi avtomobil yo‘liga asfalt yotqizildi

Aholi uchun qulay va xavfsiz yo‘l infratuzilmasini yaratish, shuningdek, mahalliy yo‘llarning holatini yaxshilash maqsadida Amudaryo tumanida qator amaliy ishlar olib borilmoqda.

Jumladan, Amudaryo tumani Uychin MFY hududidan o‘tuvchi 95V100 “D238 a/y (10 km.dan) – «Chayko‘l» OFY – «Uyshin» MFY” avtomobil yo‘lining 7–9-kilometr qismlarida asfalt qoplamalarini yotqizish ishlari amalga oshirildi. Ushbu ishlar natijasida yo‘lning o‘tkazuvchanligi oshib, transport harakati uchun qulay sharoit yaratildi.

Mazkur loyiha «Tashabbusli budjet» dasturining 2025-yil 2-mavsumida g‘olib bo‘lgan bo‘lib, aholi tashabbusi asosida hayotga tatbiq etildi.