⚡️Úyshin MPJ aymaǵındaǵı avtomobil jolına asfalt tóseldi

Xalıq ushın qolaylı hám qáwipsiz jol infrastrukturasın jaratıw, sonday-aq, jergilikli jollardıń jaǵdayın jaqsılaw maqsetinde Ámiwdárya rayonında bir qatar ámeliy jumıslar alıp barılmaqta.

Atap aytqanda, Ámiwdárya rayonı Úyshin MPJ aymaǵınan ótiwshi 95V100 “D238 a/y (10 km.den) – “Chaykól” APJ – “Uyshin” MPJ” avtomobil jolınıń 7—9-kilometr bólimlerinde asfalt qaplamaların tósew jumısları ámelge asırıldı. Bul jumıslar nátiyjesinde joldıń ótkeriwsheńligi artıp, transport háreketi ushın qolaylı sharayat jaratıldı.

Bul joybar “Baslamalı byudjet” baǵdarlamasınıń 2025-jıl 2-máwsiminde jeńimpaz bolǵan bolıp, xalıqtıń baslaması tiykarında turmısqa engizildi.