📢 Davlat xaridlari sohasida qonunchilik talablarini tushuntirishga bag‘ishlangan huquqiy targ‘ibot tadbiri o‘tkazildi

Chimboy tumani Yo‘llardan foydalanish davlat tashkilotida O‘zbekiston Respublikasining “Davlat xaridlari to‘g‘risida”gi Qonuni mazmun-mohiyatini tushuntirishga bag‘ishlangan huquqiy targ‘ibot tadbiri o‘tkazildi.

Tadbirda davlat xaridlari jarayonida ochiqlik, shaffoflik va raqobat muhitini ta’minlash, korrupsiyaviy holatlarning oldini olish, qonunda belgilangan asosiy tamoyillar va ularning amaliy ahamiyati haqida batafsil ma’lumot berildi.

Ishtirokchilarga davlat xaridlari sohasida qonun normalariga qat’iy amal qilish, adolatli raqobatni qo‘llab-quvvatlash hamda har bir bosqichda halollik va mas’uliyatni ta’minlash zarurligi ta’kidlandi.

Tadbir yakunida xodimlarga qonunchilikdagi yangiliklar haqida qo‘shimcha tushuntirishlar berilib, ularning savollariga javoblar qaytarildi.