📢Mámleketlik satıp alıwlar tarawında nızamshılıq talapların túsindiriwge baǵıshlanǵan huqıqıy úgit-násiyatlaw ilajı ótkerildi.

Shımbay rayonı Jollardan paydalanıw mámleketlik shólkeminde Ózbekstan Respublikasınıń “Mámleketlik satıp alıwlar haqqında”ǵı Nızamınıń mazmun-mánisin túsindiriwge baǵıshlanǵan huqıqıy úgit-násiyat ilajı ótkerildi.

Ilajda mámleketlik satıp alıwlar procesinde ashıq-aydınlıq hám báseki ortalıǵın támiyinlew, korrupciyalıq jaǵdaylardıń aldın alıw, nızamda belgilengen tiykarǵı principler hám olardıń ámeliy áhmiyeti haqqında tolıq maǵlıwmat berildi.

Qatnasıwshılarǵa mámleketlik satıp alıwlar tarawında nızam normalarına qatań ámel etiw, ádil básekini qollap-quwatlaw jáne hár bir basqıshta hadallıq hám juwapkershilikti támiyinlew zárúr ekenligi atap ótildi.

Ilaj sońında xızmetkerlerge nızamshılıqtaǵı jańalıqlar haqqında qosımsha túsinikler berilip, olardıń sorawlarına juwaplar qaytarıldı.