📢 Korrupsiyaga qarshi kurashish – barchamizning mas’uliyatli vazifamiz

Chimboy tumani Yo‘llardan foydalanish davlat tashkilotida huquqiy targ‘ibot tadbiri o‘tkazildi. Tadbir O‘zbekiston Respublikasining “Korrupsiyaga qarshi kurashish to‘g‘risida”gi Qonuni hamda Prezidentning 2017-yil 2–4-fevral kunlari qabul qilingan PK-2752-sonli qarori ijrosini ta’minlash, aholining huquqiy ongi va madaniyatini oshirish maqsadida tashkil etildi.

Yig‘ilishni “Guliston” mahalla fuqarolar yig‘ini raisi B. Jo‘ldosboyev ochib, korrupsiyaga qarshi kurashish borasida amalga oshirilayotgan ishlar, qonun hujjatlarining mazmun-mohiyati va ularni mahalla darajasida tatbiq etish choralari haqida batafsil tushuntirish berdi.

So‘ngra so‘zga chiqqan tashkilot yuriskonsulti P. Samenderov O‘zbekiston Respublikasining “Korrupsiyaga qarshi kurashish to‘g‘risida”gi Qonuni 2017-yil 3-yanvarda qabul qilinganini eslatib, unda belgilangan asosiy moddalar, korrupsiyaning oldini olish, halollik va shaffoflikni ta’minlashga qaratilgan normalar haqida batafsil ma’lumot berdi.

Tadbir yakunida ishtirokchilarga korrupsiyaga qarshi kurashish bo‘yicha davlat siyosatining ustuvor yo‘nalishlari, qonunlarga rioya etish va huquqiy madaniyatni yuksaltirish bo‘yicha tavsiyalar berildi.