️📢Korrupciyaǵa qarsı gúresiw – bárshemizdiń juwapkershilikli wazıypamız

Shımbay rayonı Jollardan paydalanıw mámleketlik shólkeminde huqıqıy úgit-násiyat ilajı ótkerildi. Ilaj Ózbekstan Respublikasınıń “Korrupciyaǵa qarsı gúresiw haqqında”ǵı Nızamı hám Prezidentimizdiń 2017-jıl 2-4-fevral kúnleri qabıl etilgen PQ-2752-sanlı qararınıń orınlanıwın támiyinlew, xalıqtıń huqıqıy sanası hám mádeniyatın arttırıw maqsetinde shólkemlestirildi.

Májilisti “Gúlistan” mákan puqaralar jıyını baslıǵı B.Joldasbaev ashıp, korrupciyaǵa qarsı gúresiw baǵdarında ámelge asırılıp atırǵan jumıslar, nızam hújjetleriniń mazmun-mánisi hám olardı máhálle dárejesinde engiziw ilajları haqqında tolıq túsinik berdi.

Bunnan soń shıǵıp sóylegen shólkem yuriskonsulti P.Samenderov Ózbekstan Respublikasınıń “Korrupciyaǵa qarsı gúresiw haqqında”ǵı Nızamı 2017-jıl 3-yanvarda qabıl etilgenin esletip, onda belgilengen tiykarǵı statyalar, korrupciyanıń aldın alıw, hadallıq hám ashıq-aydınlıqtı támiyinlewge qaratılǵan normalar haqqında tolıq maǵlıwmat berdi.

Ilaj juwmaǵında qatnasıwshılarǵa korrupciyaǵa qarsı gúresiw boyınsha mámleketlik siyasattıń tiykarǵı baǵdarları, nızamlarǵa ámel etiw hám huqıqıy mádeniyattı arttırıw boyınsha usınıslar berildi.