📢 Korrupsiyaga qarshi kurashish – qonun ustuvorligi kafolati

Nukus tumani Yo‘llardan foydalanish davlat tashkilotida huquqiy targ‘ibot tadbiri o‘tkazildi. Tadbirda O‘zbekiston Respublikasining “Korrupsiyaga qarshi kurashish to‘g‘risida”gi Qonuni mazmun-mohiyati va amaliy ahamiyati keng tushuntirildi.

Tadbir davomida korrupsiyaga qarshi kurashishning maqsad va vazifalari, qonunning asosiy tamoyillari hamda korrupsiyaviy holatlarning oldini olishda har bir xodimning mas’uliyati haqida so‘z yuritildi.

Shuningdek, halollik, ochiqlik va shaffoflik tamoyillariga amal qilish, xizmat faoliyatida qonun talablariga rioya etish, korrupsiyaga yo‘l qo‘ymaslik bo‘yicha tavsiyalar berildi.

Targ‘ibot yakunida ishtirokchilarga korrupsiyaga qarshi kurashish bo‘yicha davlat siyosatining asosiy yo‘nalishlari, qonun ustuvorligini ta’minlash va huquqiy madaniyatni yuksaltirish zarurligi alohida ta’kidlandi.