️Korrupciyaǵa qarsı gúresiw – nızam ústinliginiń kepili

Nókis rayonı Jollardan paydalanıw mámleketlik shólkeminde huqıqıy úgit-násiyatlaw ilajı ótkerildi. Ilajda Ózbekstan Respublikasınıń “Korrupciyaǵa qarsı gúresiw haqqında”ǵı Nızamınıń mazmun-mánisi hám ámeliy áhmiyeti keńnen túsindirildi.

Ilaj dawamında korrupciyaǵa qarsı gúresiwdiń maqset hám wazıypaları, nızamnıń tiykarǵı principleri jáne korrupciyalıq jaǵdaylardıń aldın alıwda hár bir xızmetkerdiń juwapkershiligi haqqında sóz etildi.

Sonday-aq, hadallıq, ashıq-aydınlıq principlerine ámel etiw, xızmet jumısında nızam talaplarına ámel etiw, korrupciyaǵa jol qoymaw boyınsha usınıslar berildi.

Úgit-násiyat juwmaǵında qatnasıwshılarǵa korrupciyaǵa qarsı gúresiw boyınsha mámleketlik siyasattıń tiykarǵı baǵdarları, nızam ústinligin támiyinlew hám huqıqıy mádeniyattı joqarılatıw zárúrligi ayrıqsha atap ótildi.