⚡️RÁSMIY MÚNÁSIBET

Sociallıq tarmaqlarda tarqalǵan múrájatqa (https://t.me/Kusherbayevga_murojaat/3941) Qaraqalpaqstan Respublikası Avtomobil jolları bas basqarması rásmiy múnásibet bildiredi.

Sociallıq tarmaqlarda Ámiwdárya rayonı Z.M. Babur máhállesinde jaqında asfaltlanǵan joldı artıqsha júk artqan júk mashinaları buzıp atırǵanı, ayırım aydawshılar táreziden shetlep, máhálle kósheleri arqalı háreketlenip atırǵanı haqqında múrájat járiyalandı.

Usı múrájat boyınsha Qaraqalpaqstan Respublikası Avtomobil jolları bas basqarması tómendegilerdi málim etedi:

Ámiwdárya rayonınıń D217A “Jumırtaw káni arqalı Ámiwdáryaǵa” avtomobil jolınıń 6-kilometrinde stacionar tárezi punkti hám D217 (4R160) “Úrgensh-Gúrlen-Mańǵıt-Túrkmenstan Respublikası shegarası” avtomobil jolınıń 61-62-kilometrinde mobil táreziler ornatılǵan.

Házirgi waqıtta usı tárezi punktlerinde Qaraqalpaqstan Respublikası IIM Jol háreketi qáwipsizligi basqarması hám Qaraqalpaqstan Respublikası Avtomobil jolları bas basqarması menen birgelikte artıqsha júk tasıwshı transport qurallarınıń normativlik júklew kórsetkishlerine ámel etiliwin támiyinlew boyınsha reyd ilajları kúsheytilgen tártipte alıp barılıp atır hám usı reyd ilajları dawam ettiriletuǵınlıǵın málim etemiz.