⚡️ Tórtkól rayonında “Drayver” joybarı sheńberinde jol ońlaw jumısları ámelge asırıldı

Húrmetli Prezidentimizdiń tapsırmasına muwapıq Qaraqalpaqstan Respublikasında “Zarbdor” tájiriybesi tiykarında qáliplestirilgen “Drayver” joybarların ámelge asırıw baǵdarlaması qabıl etilgen edi.

Usı baǵdarlama sheńberinde Qaraqalpaqstan Respublikası Joqarǵı Keńesi Prezidiumınıń 2025-jıl 5-marttaǵı 139-sanlı qararına tiykarlanıp, Tórtkól rayonı aymaǵındaǵı 95V139 “Tórtkól qalası. – “Góne Tórtkól” APJ” avtomobil jolınıń házirgi Nókis kóshesinen ótiwshi 1 kilometr 300 metr bóleginde jańadan asfalt tósew jumısları alıp barıldı.

Jol ońlaw jumısları Qaraqalpaqstan Respublikası Aymaqlıq jollarǵa buyırtpashı xızmeti mámleketlik shólkeminiń buyırtpası tiykarında “Beruniy qurilish ta’mir va butlash” JShJ tárepinen ámelge asırıldı.

Bul joldıń jańadan asfaltlanıwı nátiyjesinde transport qatnawı jáne de jedellesip, háreket qáwipsizligi hám xalıqtıń kúnlik qatnawı ushın qolaylı sharayatlar jaratıladı.