⚡️”Jasıl belbew”lerdi shólkemlestiriw jumısları jedellik penen ámelge asırılmaqta

Qorshaǵan ortalıqtı saqlaw, avtomobil jolları boyların kóklemzarlastırıw boyınsha Qaraqalpaqstan Respublikası Avtomobil jolları basqarması tárepinen bir qatar jumıslar ámelge asırılmaqta. Atap aytqanda, 2025-jılı 373 km uzınlıqtaǵı ulıwma paydalanıwdaǵı avtomobil jollarına 672 mıń 980 túp sayamanlı terek hám puta nállerin egiw rejelestirilgen. Sonnan, báhár máwsiminde 172 km uzınlıqtaǵı ulıwma paydalanıwdaǵı avtomobil jollarına 324 mıń 800 túp nál egiliwi belgilengen bolıp, házirgi kúnde báhárgi egiw jumısları baslap jiberildi. Qońırat Jollardan turaqlı paydalanıw mámleketlik shólkemi jumısshıları tárepinen A380 “Ǵuzar—Buxara—Nókis—Beynew” avtomobil jolınıń 881—882-km bólegine “Jasıl mákan” ulıwma milliy joybarı sheńberinde jumısları alıp barılmaqta.