⚡️Taqıyatas rayonına alıp barıwshı avtomobil jolında ońlaw jumısları alıp barılmaqta

Nókis qalası aymaǵınan ótiwshi 95V025 «Nókis qalası – D232 avtomobil jolı (4 km) – Taqıyatas suw bólistirgishi» avtomobil jolınıń 3—5- kilometr aralıǵında asfalt tósew jumısları alıp barılmaqta. Bul ońlaw jumısları Qarataw Jollardan turaqlı paydalanıw mámleketlik shólkemi tárepinen ámelge asırılıp, ońlaw jumıslarına jámi 6 arnawlı texnika hám 12 jumısshı tartılǵan.

Bunday ámeliy jumıslar jol háreketi qatnasıwshılarına qolaylıq jaratıw, transport qatnawın qáwipsiz hám úzliksiz támiyinlew maqsetinde ámelge asırılmaqta.

Maǵlıwmat ushın aldın bul joldıń 5—7-km aralıǵında ońlaw jumısları alıp barılǵan edi.