⚡️Shomanay rayonına alıp barıwshı avtomobil jolında ońlaw jumısları alıp barıldı

Sońǵı jılları jol-transport infrastrukturasın modernizaciyalaw, puqaralar ushın qolaylı hám qáwipsiz jollardı jaratıw baǵdarında keń kólemli reformalar ámelge asırılmaqta. Sonıń ishinde, avtomobil jolların ońlaw hám jańalaw jumısları barlıq aymaqlarda sistemalı túrde alıp barılmaqta.

Usı sheńberde, mámleketlik áhmiyetke iye bolǵan D235 (4R177) “Qanlıkól” temir jol stanciyası – Shomanay qalası – Qarabaylı temir jol stanciyası” avtomobil jolınıń 13-14-kilometr aralıǵında jol qaplamasında júzege kelgen nuqsanlardı saplastırıw maqsetinde jańadan asfalt tósew jumısları ámelge asırıldı.

Qurılıs-ońlaw jumısları Shomanay RJPMSh tárepinen orınlanbaqta. Bul jumıslar jol háreketi qáwipsizligin támiyinlew, transport aǵımın jeńilletiw hám xalıqtıń kúndelikli turmısın jáne de qolaylastırıwǵa xızmet etedi.