⚡️Ellikqala rayonında 5 km ge jaqın jol jańadan asfaltlandı

Baslamalı byudjet joybarınıń 2025-jıl 1-máwsimi sheńberinde jeńimpaz dep tabılǵan joybar tiykarında Ellikqala rayonında xalıq ushın áhmiyetli bolǵan jollar jańadan asfaltlandı.

Atap aytqanda, Qırıqqızabad APJda jaylasqan “Usman Nasır” kóshesiniń 2 km 530 metr bólegi, Kishi Guldursin MPJ aymaǵındaǵı “Nawayı”, “Ǵaressizlik” hám “Kishi Guldursin” kósheleri boylap jámi 2 km 342 metr bólegi asfalt qaplaması menen jańalandı.

Bul jumıslar aymaqtaǵı jol-transport infrastrukturasın jaqsılaw, xalıqtıń háreketleniwinde qolaylıq jaratıw, ásirese, balalar, jası úlkenler hám transport qurallarınıń háreketleniwin qáwipsiz etiwge xızmet etpekte. Baslamalı byudjet sheńberinde puqaralardıń tikkeley qatnasıwında tańlap alınǵan joybarlar tek ǵana orınlardaǵı mashqalalardı sheship qoymastan, al jergilikli basqarıwda ashıq-aydınlıq hám puqaralıq belsendilikti kúsheytpekte.