⚡️Jol infrastrukturasına qaratılıp atırǵan itibar – rawajlanıw hám qolaylı turmıs kepili

Sońǵı jılları mámleketimiz basshısı tárepinen jol-transport infrastrukturasın modernizaciyalaw, bar jollardı ońlaw hám jańa jónelislerdi qurıw boyınsha bir qatar áhmiyetli qarar hám pármanlar qabıl etilmekte. Bul reformalar nátiyjesinde elimizdiń barlıq aymaqlarında, atap aytqanda, shetki rayon hám awıllarda da jol tarmaqları izbe-izlik penen jańalanbaqta.

Ásirese, Húrmetli Prezidentimiz tárepinen Qaraqalpaqstan Respublikasınıń infrastrukturasın rawajlandırıwǵa ayrıqsha itibar qaratılıp atırǵanı úlken áhmiyetke iye bolmaqta. Qaraqalpaqstan aymaǵı geografiyalıq hám klimatlıq jaqtan qıyın bolıwına qaramastan, sońǵı jılları bul jerde sociallıq hám ekonomikalıq infrastrukturanı jaqsılaw, transport jolların ońlaw hám modernizaciyalaw boyınsha bir qatar ámeliy joybarlar turmısqa engizilmekte.

Aymaqlıq joybarlardıń ámeliy kórinisi sıpatında Shımbay rayonında alıp barılıp atırǵan jol qurılıs jumısları itibarǵa ılayıq. Atap aytqanda, D234 (4R176) “Nókis-Shımbay-Taxtakópir” avtomobil jolınıń 81-82-kilometr aralıǵında asfalt tósew jumısları alıp barılmaqta. Shımbay TYFDM tárepinen shólkemlestirilgen bul ońlaw jumıslarına: 10 arnawlı texnika 17 jumısshı tartılǵan.

Ońlaw jumısları joqarı texnologiyalıq talaplar tiykarında alıp barılmaqta. Qurılıs jumısları juwmaqlanǵannan soń, joldıń ótkeriwsheńlik qábileti sezilerli dárejede artadı, transport aǵımı tegislenedi, jolawshılardıń qáwipsizligi támiyinlenedi hám jergilikli ekonomikalıq belsendilik ushın qolaylı sharayat jaratıladı.