⚡️Ulıwma paydalanıwdaǵı avtomobil jollarında jaylasqan bándirgilerde saqlaw hám ońlaw jumısları alıp barılmaqta

Búgingi kúnde Respublikamız aymaǵında ulıwma paydalanıwdaǵı avtomobil jolları boylap jaylasqan bándirgilerdi ońlaw, saqlaw, boyaw hám jańalaw boyınsha sistemalı jumıslar alıp barılmaqta. Bul ilajlar, bárinen burın, jolawshılardıń qáwipsizligin hám qolaylılıǵın támiyinlew, sonday-aq, jol-transport infrastrukturasın zamanagóy talaplar tiykarında rawajlandırıwǵa qaratılǵan.

Awıl hám qala xalqınıń avtobuslarda erkin háreketleniwi, toqtaw orınlarınıń jaǵdayı hám sırtqı kórinisi tikkeley sociallıq turmıstıń sapasına baylanıslı. Sonlıqtan, bándirgilerdiń sırtqı kórinisin jańalaw, tazalıǵı, qolaylı infrastrukturası hám belgilengen orınlarda jaylastırılıwı úlken áhmiyetke iye.

Ámelge asırılıp atırǵan jumıslar sheńberinde respublika boylap bar bándirgilerdiń texnikalıq jaǵdayı bahalanıp, basqıshpa-basqısh ońlaw hám jańalaw jumısları alıp barılmaqta. Bul process arqalı tek ǵana jolawshı aǵımı tártipke salınıp qoymastan, al xalıqqa xızmet kórsetiw sapası da sezilerli dárejede artpaqta.