Qaraqalpaqstan Respublikasında sońǵı jılları ámelge asırılıp atırǵan túpkilikli ózgerisler – atap aytqanda, jol infrastrukturasınıń zamanagóylestiriliwi Húrmetli Prezidentimizdiń usı aymaqqa qaratıp atırǵan ayrıqsha itibarınıń ámeliy kórinisi bolıp tabıladı. Mámleket basshısınıń baslaması menen islep shıǵılǵan hám qabıl etilgen qararlar tek ǵana iri qalalar emes, al hár bir máhálleniń ishki imkaniyatların júzege shıǵarıwǵa xızmet etpekte.
2024-jıl 11-oktyabr kúni Ózbekstan Respublikası Ministrler Kabinetiniń “Qalalar hám basqa da elatlı punktler kósheleri jáne ishki xojalıq jolları infrastrukturasın bunnan bılay da jetilistiriw haqqında”ǵı 665-sanlı qararı qabıl etildi. Bul qarar mámleket kóleminde jol infrastrukturasın modernizaciyalaw, puqaralardıń háreketleniw imkaniyatların jaqsılaw, qáwipsizlikti támiyinlew hám ekonomikalıq-sociallıq rawajlanıwdıń áhmiyetli faktorlarınan biri sıpatında qabıl etildi. Qarardıń orınlanıwın támiyinlew boyınsha túrli aymaqlarda ámeliy jumıslar alıp barılmaqta.
Atap aytqanda Nókis qalasındaǵı “Bayterek” MPJ aymaǵında jaylasqan M.Dáribaev kóshesiniń 500 metr uzınlıqta 6 metr keńlikte jańadan asfaltlandı. Bul infrastruktura joybarı qarardıń orınlanıwın támiyinlew sheńberinde ámelge asırılıp, máhálle xalqı ushın úlken qolaylıqlar jarattı. Ishki jollardıń zamanagóy kóriniske keltiriliwi – bul ápiwayı qurılıs emes, al xalıqtıń abadanlıǵı jolında taslanǵan áhmiyetli qádem bolıp esaplanadı. Húkimet qararlarınıń ámeliy nátiyjeleri orınlarda usınday kóriniste óz kórinisin tawıp atırǵanı bolsa reformalardıń nátiyjeli alıp barılıp atırǵanınan dárek beredi. Keleshekte Nókis qalası hám basqa da aymaqlarda bunday infrastrukturalıq joybarlar izbe-iz dawam ettiriliwi kútilmekte.
🏢Qaraqalpaqstan Respublikası Avtomobil jolları bas basqarması málimleme xızmeti