⚡️Beruniy rayonında ishki jollarǵa qum-tas aralaspası tósew jumısları alıp barılmaqta

Húrmetli Prezidentimizdiń Qaraqalpaqstanǵa bolǵan ayrıqsha itibarı sebepli, Respublikamızda xalıqtıń turmıs sharayatın jaqsılawǵa qaratılǵan keń kólemli jumıslar ámelge asırılmaqta. Usınday iygilikli baslamalardıń biri ishki jollardı ońlaw bolıp, bul boyınsha aymaqlarda keń kólemli jumıslar dawam etpekte.

Ózbekstan Respublikası Ministrler Kabinetiniń 2024-jıl 11-oktyabrdegi 665-sanlı qararı tiykarında, usı jılı Beruniy rayonı aymaǵında 25,0 km ishki jollardı qum-tas aralaspası járdeminde ońlaw rejelestirilgen. Ońlaw jumısları boyınsha mánzilli dizim tastıyıqlanıp, orınlarda qurılıs-ońlaw processleri baslap jiberilgen.

Búgingi kúnde bul rejeniń úlken bólegi ámelge asırılǵan bolıp, 15,3 km jollarǵa qum-sheben aralaspası (ShPS) tóseldi. Bul jumıslar xalıqqa qolaylıq jaratıw, jol háreketin qáwipsiz etiw hám transport qatnawın jaqsılawǵa xızmet etpekte.

Házirgi waqıtta Beruniy rayonındaǵı 10 máhállede ishki kóshelerdi tegislew jumısları dawam etpekte. Ońlanıp atırǵan jollar tek ǵana mashqalalardı saplastırıp qoymastan, xalqınıń keypiyatı hám turmıs dárejesin sezilerli dárejede jaqsılawǵa xızmet etpekte.