Bas basqarması baslıǵı puqaralardıń múrájatların úyrenip shıqpaqta

Búgin Respublikalıq Jumısshı topar tárepinen puqaralardıń múrájatları hám xalıqtı qıynap kiyatırǵan mashqalalarına sheshim tabıw maqsetinde Ellikqala rayonında kóshpeli qabıllaw ótkerilmekte. Onda Qaraqalpaqstan Respublikası Avtomobil jolları bas basqarması baslıǵı Umrbek Matnazarov puqaralardıń múrájatların úyrenip shıqpaqta.

Kóshpeli qabıllawda taraw boyınsha xalıqtı qıynap kiyatırǵan mashqalalar juwapkerlerdiń qatnasıwında hár tárepleme úyrenilmekte.

Olardıń tiykarǵı bólegi usı jerde óz sheshimin tawıp atırǵan bolsa, múddet talap etetuǵın múrájatlar boyınsha juwapkerlerge tiyisli tapsırmalar berilmekte.