⚡️RÁSMIY MÚNÁSIBET

Sociallıq tarmaqlarda tarqalǵan (https://youtube.com/watch?v=w8hzX5id_nM&si=y-0_pHL25aPHi9dR) video múrájatqa Qaraqalpaqstan Respublikası Avtomobil jolları bas basqarması rásmiy múnásibet bildiredi.

Búgingi kúnde, A380 “Ǵuzar – Buxara – Nókis – Beynew” avtomobil jolınıń Qaraqalpaqstan Respublikası aymaǵınan ótken barlıq bóleklerinde payda bolǵan nuqsanlardı saplastırıw maqsetinde ońlaw jumısları alıp barılmaqta. Bunnan tısqarı, avtomobil jolınıń 673-698-km bóleginde Xalıqaralıq standartlarǵa muwapıq cement-beton qaplama menen rekonstrukciyalaw jumısları, 698-723-km bóleklerinde de qurılıs jumısları alıp barılmaqta.
Ózbekstan Respublikası Prezidentiniń 2022-jıl 31-avgusttaǵı “Qaraqalpaqstan Respublikasında isbilermenlik, innovaciyalıq texnologiyalar hám infrastrukturalardı jedel pátlerde rawajlandırıw arqalı xalıqtıń abadanlıǵın arttırıwdıń qosımsha ilajları haqqında”ǵı PP-213-sanlı Pármanına muwapıq avtomobil jolınıń 581-673-km. yaǵnıy Tórtkúl, Ellikqala, Beruniy rayonları aymaǵınan ótken bólegin rekonstrukciyalaw joybarın Aziya rawajlanıw bankiniń qatnasıwında ámelge asırıw belgilengen. Búgingi kúnde, joybardı ámelge asırıw jumısları baslanǵanlıǵın, joybardıń texnikalıq hújjetlerin tayarlaw jumısları alıp barılıp atırǵanlıǵın málim etip bildiremiz.

🏢Qaraqalpaqstan Respublikası Avtomobil jolları bas basqarması málimleme xızmeti