background

⚡️ Nókiste jol qurılısı processleri boyınsha press-tur shólkemlestirildi

Admin 05-August-2026

⚡️ Nókiste jol qurılısı processleri boyınsha press-tur shólkemlestirildi

Nókis qalası aymaǵınan ótiwshi 95V001 “Nókis qalası kishi aylanba jolı” avtomobil jolınıń 16-18-kilometrleri aralıǵında ámelge asırılıp atırǵan joldı keńeytiw jumısları boyınsha press-tur shólkemlestirildi.

Press-tur dawamında ǵalaba xabar qurallarınıń wákilleri hám jurnalistlerge joybar sheńberinde alıp barılıp atırǵan jumıslar haqqında maǵlıwmat berildi. Atap aytqanda, avtomobil jolınıń jámi 1,1 kilometr bólegi 14 metrden 22 metrge shekem keńeytilip atırǵanı, bul bolsa joldıń ótkeriwsheńlik qábiletin arttırıw hám transport háreketi ushın qolaylı sharayat jaratıwǵa xızmet etetuǵını atap ótildi.

Sonday-aq, joybardıń ámelge asırılıwı nátiyjesinde Nókis qalasındaǵı transport aǵımın tártipke salıw, tıǵılıslardı azaytıw hám jol háreketi qáwipsizligin jáne de jaqsılaw názerde tutılǵan.

 

Skip to content