⚡️Bozataw hám Qońırat rayonların baylanıstırıwshı jol ońlanbaqta

Ózbekstan Respublikası Prezidentiniń 2026-jıl 21-fevraldaǵı PQ-70-sanlı qararına muwapıq, Bozataw rayonın Qońırat rayonı menen baylanıstırıwshı 95V121 (4n83) “Bozataw rayonı orayı – Porlıtaw awılı” avtomobil jolınıń 0-24-kilometr bóleginde ońlaw jumısları belgilengen.
 
Avtomobil jolınıń ońlanıwı aymaqtıń transport infrastrukturasın jaqsılaw, xalıq hám transport qurallarınıń háreketleniwi ushın qolaylı sharayat jaratıwda úlken áhmiyetke iye. Jumıslardıń sapalı hám belgilengen talaplar tiykarında orınlanıwına ayrıqsha itibar qaratılmaqta.
 
Bul qurılıs jumısları kóp jıllardan berli jol ońlanıwın kútip atırǵan aymaq turǵınları ushın áhmiyetli jańalıq bolmaqta. Joldıń ońlanıwı puqaralardıń arzıw-niyetlerin ámelge asırıw jolındaǵı ámeliy qádemlerden biri bolıp esaplanadı.