⚡️Bozatawda jol infrastrukturası jaqsılanbaqta

Húrmetli Prezidentimizdiń 2026-jıl 5-fevraldaǵı PQ-49-sanlı “Aymaqlardı rawajlandırıw arqalı xalıqtıń dáramatların arttırıw, turaqlı jumıs orınların jaratıw hám kámbaǵallıqtı qısqartıw ilajları haqqında”ǵı qararı tiykarında Bozataw rayonında jol qurılıs-ońlaw jumısları izbe-iz ámelge asırılmaqta.

Atap aytqanda, Bozataw rayonı “Kók suw” APJ aymaǵındaǵı 95V123 “Bozataw—Shaxaman” avtomobil jolınıń 2—15-kilometrleri aralıǵındaǵı 13 kilometr bóleginde asfaltlaw jumısları ámelge asırılmaqta.

Bul joldıń ońlanıwı nátiyjesinde aymaq xalqı hám transport quralları ushın jáne de qolaylı hám sapalı qatnaw sharayatı jaratıladı. Sonday-aq, jol infrastrukturasınıń jaqsılanıwı aymaqtıń sociallıq-ekonomikalıq rawajlanıwına da xızmet etedi.