Bozatawda Baslamalı byudjet joybarı óz nátiyjesin bermekte  

Bozataw rayonı “Erkindárya” APJ aymaǵında “Baslamalı byudjet”tiń 2026-jılǵı birinshi máwsimi sheńberinde puqaralar baslaması menen alǵa qoyılǵan áhmiyetli joybar tabıslı ámelge asırıldı. “Serquyash” kóshesi hám “Bárkamal áwlad” kóshesine alıp barıwshı joldı asfaltlaw joybarı eń kóp dawıs jıynap, jeńimpaz dep tabılǵan edi.
 
Xalıqtıń belsene qatnasıwı hám awızbirshiligi nátiyjesinde bul joybar búgin óz nátiyjesin bermekte. Qurılıs jumısları belgilengen múddetlerde sapalı shólkemlestirilip, kóshelerge zamanagóy asfalt qaplamasın tósew jumısları tolıq juwmaqlandı.
 
Ámelge asırılǵan qurılıs jumısları nátiyjesinde jollardıń sapası sezilerli dárejede jaqsılandı. Endi transport qurallarınıń háreketi jáne de qolaylasıp, piyadalar ushın da qáwipsiz hám qolaylı sharayat jaratıldı.
 
“Baslamalı byudjet” joybarı xalıqtıń pikiri hám baslaması ámelde óz kórinisin tawıp atırǵanın jáne bir márte kórsetpekte. Bunday joybarlar aymaqlardıń infrastrukturasın rawajlandırıw, xalıqtıń turmıs abadanlıǵın arttırıw hám puqaralardıń jámiyetlik turmıstaǵı belsendiligin kúsheytiwge xızmet etpekte.