⚡️RÁSMIY MÚNÁSIBET

Sociallıq tarmaqlardıń birinde Nókis qalası aymaǵındaǵı D234 (4R176A) «Nókis temir jol vokzalına» (A. Dosnazarov kóshesi) avtomobil jolınıń 8–9-km aralıǵında, svetofor aldında payda bolǵan kemshilikler boyınsha múrájat tarqalǵan edi.

Bul jaǵday Qaraqalpaqstan Respublikası Avtomobil jolları Bas basqarması tárepinen baqlawǵa alınıp, anıqlanǵan jol qaplamasındaǵı kemshiliklerdi saplastırıw maqsetinde usı aymaqta ońlaw jumısların ámelge asırıw belgilendi.

Házirgi waqıtta bul kemshiliklerdi saplastırıw boyınsha zárúr shólkemlestiriwshilik hám texnikalıq ilajlar kórilmekte. Ońlaw jumısları belgilengen múddetlerde sapalı ámelge asırılıwı támiyinlenedi.

Qaraqalpaqstan Respublikası Avtomobil jolları Bas basqarması tárepinen jol háreketi qáwipsizligin támiyinlew hám avtomobil jollarınıń paydalanıw jaǵdayın jaqsılawǵa qaratılǵan jumıslar izbe-iz dawam ettiriledi.

Ońlaw jumıslarınıń barısı hám juwmaqlawshı nátiyjeleri boyınsha tolıq maǵlıwmatlardı Qaraqalpaqstan Respublikası Avtomobil jolları Bas basqarmasınıń rásmiy betlerinde (https://t.me/qaraqalpaq_avtojol) baqlap barıwıńız múmkin.