⚡️Nókis rayonında jol infrastrukturası jaqsılanbaqta

Húrmetli Prezidentimizdiń 2026-jıl 5-fevraldaǵı PQ-49-sanlı “Aymaqlardı rawajlandırıw arqalı xalıqtıń dáramatların arttırıw, turaqlı jumıs orınların jaratıw hám kámbaǵallıqtı qısqartıw ilajları haqqında”ǵı qararınıń orınlanıwı sheńberinde Nókis rayonında avtomobil jolların qurıw hám ońlaw jumısları izbe-iz dawam ettirilmekte.

Atap aytqanda, Nókis rayonındaǵı 95V089 “95V149 avtomobil jolı (8-km) – Qranov awılı – Akterek APJ” avtomobil jolınıń 2-3-kilometr aralıǵında ońlaw jumısları alıp barılmaqta.

Bul joybar transport qatnawınıń qáwipsizligi hám qolaylılıǵın arttırıw, sonday-aq, aymaq xalqınıń zamanagóy hám sapalı jol infrastrukturasınan paydalanıw imkaniyatların keńeytiwge xızmet etpekte.