Qaraqalpaqstan Respublikası Avtomobil jolları bas basqarması baslıǵınıń júk avtomobili aydawshılarına múrájatı

Húrmetli júk avtomobili aydawshıları!

Sońǵı kúnlerde respublikamız aymaǵında anomal ıssı hawa-rayı baqlanbaqta. Joqarı temperaturanıń tásiri avtomobil jolları qaplamalarınıń texnikalıq jaǵdayına unamsız tásir kórsetiwi múmkin.

Usı múnásibet penen Sizlerden jollardı saqlaw, olardıń xızmet múddetin uzaytıw hám bárshemiz paydalanıp atırǵan jol infrastrukturasın asıraw maqsetinde, ilajı barınsha, saat 09:00-den 19:00-ge shekem awır júk avtomobilleri menen háreketlenbewdi soraymız.

Húrmetli aydawshılar, jollar — bárshemizdiń ulıwma múlkimiz. Olardı abaylap paydalanıw hám saqlaw, keleshek áwladlarǵa sapalı jaǵdayda jetkeriw bárshemizdiń puqaralıq minnetimiz bolıp esaplanadı.

Sizlerdiń awızbirshiligińiz, juwapkershiligińiz hám túsiniwińiz jollarımızdı saqlawǵa úlken úles qosadı.

Húrmet penen,
Qaraqalpaqstan Respublikası Avtomobil jolları Bas basqarması baslıǵı
U. Matnazarov