⚡️Jol bólimi baslıqları attestaciyadan ótkerilmekte

Avtomobil jolları komitetiniń 2026-jıl 22-maydaǵı 29-sanlı “Jol bólimleri jumısın shólkemlestiriw hám nátiyjeliligin arttırıw haqqında”ǵı buyrıǵınıń orınlanıwın támiyinlew maqsetinde Qaraqalpaqstan Respublikası Avtomobil jolları Bas basqarması sistemasındaǵı rayonlıq Jollardan paydalanıw mámleketlik shólkemleriniń jol bólimi baslıqları attestaciyadan ótkerilmekte.

Attestaciyanıń birinshi basqıshında jol bólimi baslıqları kásiplik bilim hám kónlikpelerin bahalaw maqsetinde 30 sorawdan ibarat test sınaqların tapsırdı.

Test sınaqlarında belgilengen minimal balldı toplaǵan talabanlar attestaciyanıń ekinshi basqıshı – sáwbetlesiw procesinde qatnaspaqta. Sáwbetlesiw dawamında olardıń jol xojalıǵı tarawındaǵı ámeliy tájiriybesi, basqarıw potencialı, kásiplik tayarlıǵı, tarawǵa baylanıslı normativlik-huqıqıy hújjetler boyınsha bilimleri jáne iyelep turǵan lawazımına ılayıqlıǵı komissiya tárepinen bahalanbaqta.

Bul attestaciya jol xojalıǵı sistemasında basqarıw nátiyjeliligin arttırıw, basshı kadrlardıń kásiplik potencialın joqarılatıw hám jol bólimleri jumısınıń sapasın bunnan bılay da jetilistiriwge xızmet etedi.