⚡️Xojeli rayonında puqaralardıń múrájatları ornına shıǵıp úyrenildi

Búgin Qaraqalpaqstan Respublikası Avtomobil jolları Bas basqarması qánigeleri tárepinen Xojeli rayonında Ózbekstan Respublikası Prezidentiniń Virtual qabıllawxanası hám Qaraqalpaqstan Respublikası Joqarǵı Keńesiniń “Xalıq múrájatı” portalı arqalı kelip túsken múrájatlar ornına shıǵıp úyrenildi.

Úyreniw procesinde múrájat etiwshiler menen tikkeley ushırasıwlar ótkerilip, olardıń múrájatlarında kóterilgen máseleler boyınsha tolıq túsinikler berildi.

Múrájatlardıń tiykarǵı bólegi avtomobil jollarında piyadalar ótiw orınların shólkemlestiriw, piyadalar jolların sızıw hám jol háreketi qáwipsizligin támiyinlew menen baylanıslı máselelerdi qamtıp aldı.

Hár bir múrájat hár tárepleme úyrenilip, ámeldegi normativlik talaplar tiykarında unamlı sheshiliwi múmkin bolǵan máseleler boyınsha tiyisli ilajlar kóriw belgilendi.

Qaraqalpaqstan Respublikası Avtomobil jolları Bas basqarması tárepinen puqaralardıń múrájatların óz waqtında kórip shıǵıw hám olardıń nızamlı máplerin támiyinlew baǵdarındaǵı jumıslar izbe-iz dawam ettirilmekte.