⚡️Xojelide ishki jollar jańalandı

Xojeli rayonındaǵı “Sobıq” MPJ aymaǵında jaylasqan Ixlas hám Buxara kósheleriniń 2 kilometr 300 metr bóleginde asfaltlaw jumısları alıp barıldı.

Bul joybar “Baslamalı byudjet” baǵdarlamasınıń 2026-jıl 1-máwsimi juwmaqlarına bola jeńimpaz dep tabılǵan bolıp, xalıq tárepinen alǵa qoyılǵan baslama ámeliyatqa engizildi.

Asfaltlaw jumısları Qaraqalpaqstan Respublikası Aymaqlıq jollarǵa buyırtpashı xızmeti mámleketlik mákemesi buyırtpashılıǵında ámelge asırıldı.

Joybardıń ámelge asırılıwı máhálle ishki jollarınıń jaǵdayın jaqsılaw, transport háreketi hám piyadalar ushın qolaylı jáne qáwipsiz sharayat jaratıw menen birge, xalıqtıń uzaq jıllıq múrájatlarınan biriniń unamlı sheshiliwine xızmet etti.