⚡️Qońırat rayonında infrastrukturanı rawajlandırıw jumısları dawam etpekte

Húrmetli Prezidentimizdiń 2025-jıl 1-apreldegi “Respublika aymaqların jedel kompleksli rawajlandırıw ushın tańlap alınǵan rayon (qala) larda ámeliy ilajlardı ámelge asırıw haqqında”ǵı PQ-132-sanlı qararınıń orınlanıwı sheńberinde Qońırat rayonında bir qatar joybarlar ámelge asırılmaqta.

Atap aytqanda, rayon orayına kiriw bólegindegi Ózbekstan kóshesiniń yaǵnıy 95V117 “Qońırat qalası – Ravshan Saksovulsanı DFX” avtomobil jolınıń 4,1 kilometr bólegi zamanagóy talaplar tiykarında qayta qurılmaqta.

Joybar sheńberinde aymaqta seyil etiw ornı qurılıp, jol infrastrukturası jańalanbaqta. Házirgi kúnde obekttiń asfalt qaplamasın tósew hám túngi jaqtılandırıw sistemasın ornatıw jumısları alıp barılmaqta.

Bul jumıslar transport qatnawınıń qáwipsizligi hám qolaylılıǵın arttırıw menen birge, rayon orayınıń zamanagóy kelbetin qáliplestiriwge xızmet etedi.