⚡️Prezidentimizdiń PQ-132-sanlı qararı ámelde

Húrmetli Prezidentimizdiń 2025-jıl 1-apreldegi “Respublika aymaqların jedel kompleksli rawajlandırıw ushın tańlap alınǵan rayon (qala) larda ámeliy ilajlardı ámelge asırıw haqqında”ǵı PQ-132-sanlı qararına tiykarlanıp, Qońırat rayonın 2025-2026-jıllarda jedel kompleksli rawajlandırıw baǵdarlaması sheńberinde keń kólemli jumıslar ámelge asırılmaqta.

Atap aytqanda, Qońırat rayonı aymaǵındaǵı Jıńǵıshke kanalı ústinen ótiwshi 95V074 “D231 avtomobil jolı (9-km) – Qońırat MPJ” avtomobil jolınıń 11,3-kilometr bóleginde jaylasqan kópirdi qayta qurıw jumısları alıp barılmaqta. Házirgi waqıtta kópirdiń temir-beton tayanısh qazıqların qaǵıw jumısları ámelge asırılmaqta.

Bul joybar sheńberinde kópirdiń texnikalıq jaǵdayın jaqsılaw, bekkemligi hám júk kóteriw qábiletin arttırıw, sonday-aq, transport háreketi qáwipsizligi hám qolaylılıǵın támiyinlew názerde tutılǵan. Rekonstrukciya jumısları belgilengen reje tiykarında dawam ettirilmekte.