🌙Qurban hayıtı – miyrim-shápáát hám awızbirshilik áyyamı

Qurban hayıtı múnásibeti menen milliy qádiriyatlarımız, miyrim-shápáát hám awızbirshilikti ulıǵlawshı ruwxıy ilaj shólkemlestirildi.

Bayram ilajı aldında qurbanlıq etilip, jaqsı niyetler aytıldı. Ilajda taraw veteranları, miynet jámááti hám jol qurıwshılar qatnastı. Jıynalǵanlar ushın bayram dasturxanı jayılıp, as tartıldı. Shın júrekten sáwbetler ilajǵa ózgeshe payız baǵıshladı.

Sonday-aq, elimiz tınıshlıǵı, xalqımız abadanlıǵı, jollarımızdıń tegisligi hám tarawda miynet etip atırǵan barlıq xızmetkerlerdiń shańaraqlarına tınıshlıq-paraxashılıq tilep Quran oqıldı. Nuraniylar tárepinen dualar oqılıp, ustazlardıń haqlarına dualar baǵıshlandı.

Bul ilaj jámáát arasında miyrim-shápáát, awızbirshilik hám óz-ara húrmet ortalıǵın jáne de bekkemlew, milliy hám diniy qádiriyatlarımızdı ulıǵlawǵa xızmet etti.