⚡️Aymaqlarda korrupciyaǵa qarsı gúresiwge baylanıslı úgit-násiyatlaw jumısları alıp barılmaqta

Qaraqalpaqstan Respublikası Avtomobil jolları Bas basqarmasınıń korrupciyaǵa qarsı gúresiw boyınsha bas qánigesi hám juwapker xızmetkerler tárepinen Ellikqala rayonı jollardan paydalanıw mámleketlik shólkeminde “Korrupciyanıń aldın alıw hám oǵan qarsı gúresiw” atamasında úgit-násiyat ilajı shólkemlestirildi.

Ilaj dawamında mámleketlik xızmetkerler arasında huqıqıy sana-sezim hám huqıqıy mádeniyattı arttırıw, korrupciyalıq jaǵdaylarǵa mawasasız múnásibetti qáliplestiriw, nızamlarǵa húrmet ruwxın bekkemlew hám hadal miynet principlerin keńnen úgit-násiyatlaw máseleleri boyınsha túsinikler berildi.

Sonday-aq, korrupciyanıń aldın alıwda hár bir xızmetkerdiń jeke juwapkershiligi áhmiyetli ekenligi, xızmet wazıypaların hadal hám hújdanlı orınlaw mámleketlik xızmettiń nátiyjeliligin arttırıwǵa xızmet etetuǵını ayrıqsha atap ótildi.