Ámiwdárya rayonı Mańǵıt qalasınan Qılıshbay APJ ǵa alıp barıwshı D238 avtomobil jolınıń 20-33 km bóleklerinde ońlaw jumısları baslandı.

Bul jol — tek ǵana baǵdar emes, al mıńlaǵan insanlardıń kúndelikli turmısı, arzıw-niyetleri hám háreketlerin baylanıstırıp turatuǵın áhmiyetli ótkel bolıp esaplanadı. Ásirese, bul aymaqta rayon xalqınıń derlik 30 procenti jasaytuǵını bul joldıń áhmiyetin jáne de arttıradı.

Uzaq jıllar dawamında xalıqqa qıyınshılıq tuwdırıp kelgen bul joldıń ońlanıwı – bul xalıqtıń dárti tıńlanǵanınıń, insan mápi ústin ekeniniń ámeliy kórinisi bolıp esaplanadı. Búgin baslanǵan jumıslar erteńgi qolaylıq, qáwipsizlik hám rawajlanıw tiykarı bolıp esaplanadı.

Xalıqtıń júzindegi quwanısh, kózlerindegi úmit – alıp barılıp atırǵan reformalardıń eń úlken nátiyjesi. Sebebi abat jol – abadan turmısqa ashılǵan jol.