⚡️SPORT — SALAMAT ÓMIR GIREWI

Húrmetli Prezidentimizdiń basshılıǵında usı jıl 7-aprel kúni denetárbiya hám sport tarawın bunnan bılay da rawajlandırıw, xalıq hám miynet jámáátlerinde salamat turmıs tárizin keńnen úgit-násiyatlaw boyınsha ótkerilgen videoselektor májilisinde áhmiyetli wazıypalar belgilengen edi.

Atap aytqanda, májiliste hár bir ministr, tarmaq hám bank basshısı, sonday-aq, wálayat hám rayon hákimlikleriniń juwapker xızmetkerleri sport penen turaqlı shuǵıllanıwda jeke úlgi kórsetiwi, onıń ushın zárúr sharayatlardı keńeytiwi shárt ekenligi ayrıqsha atap ótildi. Usı baslama sheńberinde hápteniń bir kúni “sport kúni” etip belgilenip, usı kúnde ministrlikler, uyımlar hám shólkemlerde ǵalabalıq sport shınıǵıwları ótkeriliwi jolǵa qoyıldı.

Usı tapsırmalardıń orınlanıwın támiyinlew maqsetinde Qaraqalpaqstan Respublikası Avtomobil jolları Bas basqarması xızmetkerleri arasında futbol oyını shólkemlestirildi. Onda xızmetkerler belsene qatnasıp, jámáátlik, awızbirshilik hám salamat báseki ortalıǵın kórsetti.

Bunday sport ilajları tek ǵana xızmetkerlerdiń fizikalıq belsendiligin arttırıp qoymastan, al olardıń jumıs ónimdarlıǵın hám ruwxıy tetikligin bekkemlewge de xızmet etedi.