⚡️ Nókiste jol rekonstrukciyası jumısları úyrenildi

Avtomobil jolları komiteti baslıǵınıń orınbasarı Amriddin Abdurahmonov tárepinen D234 “Nókis – Shımbay – Taxtakópir” avtomobil jolınıń 9,3-14,3-kilometr bólegi, yaǵnıy Nókis qalası aymaǵınan ótetuǵın uchastkada alıp barılıp atırǵan rekonstrukciya jumısları menen tanıstı.

Bul obekt aymaqtıń transport infrastrukturasın jaqsılaw, joldıń ótkeriwsheńlik qábiletin arttırıw hám háreket qáwipsizligin támiyinlewde úlken áhmiyetke iye.

Úyreniw procesinde orınlanıp atırǵan qurılıs jumıslarınıń sapası, texnologiyalıq processlerge ámel etiliwi, jol qaplamasınıń bekkemligi hám belgilengen múddetlerge ámel etiliwi boyınsha ayrıqsha itibar qaratıldı. Sonday-aq, juwapkerlerge jumıslardı sapalı hám óz waqtında juwmaqlaw, zamanagóy standartlar tiykarında ámelge asırıw boyınsha tiyisli kórsetpeler berildi.

Atap ótiliwinshe, rekonstrukciya jumısları juwmaqlanǵannan soń, bul jol uchastkasında háreketleniw jáne de qolaylasıp, aydawshılar hám jolawshılar ushın qáwipsiz sharayatlar jaratıladı.