🛣”Nókis — Shımbay — Taxtakópir” avtomobil jolında joldı ekige bóliwshi tosıqlar ornatılmaqta

Respublikamız aymaǵında jol-transport hádiyseleriniń aldın alıw hámde háreket qáwipsizligin támiyinlew maqsetinde Nókis qalası aymaǵınan ótiwshi D234 “Nókis — Shımbay — Taxtakópir” avtomobil jolınıń 14-kilometr bóleginde joldı qarama-qarsı baǵdarlarǵa ajıratıwshı RP-40 túrindegi beton tosıqlar ornatılmaqta.

Bul jumıslar Kegeyli rayonı Jollardan paydalanıw mámleketlik shólkemi tárepinen ámelge asırılmaqta.

Bul tosıqlar qarama-qarsı háreketlenip atırǵan transport qurallarınıń soqlıǵısıwınıń aldın alıw, basqarıwdı joǵaltqan avtomobillerdiń basqa qatnaw bólimine shıǵıp ketiwin sheklew hám awır jol-transport hádiyseleriniń aqıbetlerin azaytıwda úlken áhmiyetke iye.

Aydawshılardan jumıslar alıp barılıp atırǵan aymaqta jol belgilerine ámel etiw hám abaylılıq penen háreketleniw soraladı.