⚡️Bozatawda avtomobil jolları jaqsılanbaqta

Bozataw rayonın Shımbay rayonı menen baylanstırıwshı hámde “Erkindárya” APJ “Mákke awılı” hám “Kókshiyel” elatı aymaqların rayon orayı menen baylanıstırıwshı jollarda qurılıs jumısları baslandı.

Ózbekstan Respublikası Prezidentiniń 2026-jıl 5-fevraldaǵı “2026-jılda aymaqlardı rawajlandırıw arqalı xalıqtıń dáramatın arttırıw, turaqlı jumıs orınların jaratıw hámde kámbaǵallıqtı qısqartırıw ilajları haqqında”ǵı PQ-49-sanlı qararı hám usı tiykardaǵı Qaraqalpaqstan Respublikası Joqarǵı Keńesi Prezidiumınıń 2026-jıl 6-marttaǵı “Awır rayonlar hám máhállelerdi kompleksli rawajlandırıw baǵdarlamaların tastıyıqlaw haqqında”ǵı 617-sanlı qararı menen Bozataw rayonın rawajlandırıw baǵdarlamaları ushın qarjı ajıratılǵan edi.

Bul qarjılar esabınan Bozataw rayonın Shımbay rayonı menen baylanstırıwshı hámde “Erkindárya” APJ “Mákke awılı” hám “Kókshiyel” elatı aymaqların rayon orayı menen baylanıstırıwshı 95V038 avtomobil jolınıń (16,7 km den 35 km ge shekem aralıǵı) jámi 18,3 km bólegin ońlaw hám túngi jaqtılandırıwshı úskeneler ornatıw jumısların ámelge asırıw belgilendi.

Búgingi kúnde 95V038 avtomobil jolında qurılıs ońlaw jumısları alıp barılmaqta.