⚡️Xojeli rayonında jol ótkeli qurılıs jumısları dawam etpekte

Húrmetli Prezidentimizdiń 2025-jıl 27-dekabrdegi PQ-393-sanlı qararına muwapıq, A380 “Ǵuzar—Buxara—Nókis—Beynew” avtomobil jolınıń Xojeli rayonı aymaǵınan ótken 787,5-kilometr bóleginde jol ótkizgish rekonstrukciyalanbaqta.

Jol ótkizgishtiń uzınlıǵı 60 metr, keńligi 24,6 metrdi quraydı. Joybar zamanagóy injenerlik talapları tiykarında ámelge asırılıp, usı jıldıń noyabr ayında paydalanıwǵa tapsırılıwı belgilengen.

Bul jol ótkizgish avtomobil jolı hám temir jol kesilispesinde jaylasqanı menen ayrıqsha áhmiyetke iye. Rekonstrukciya jumısları nátiyjesinde jol ótkizgish zamanagóy talaplarǵa beyimlesedi, transport aǵımınıń úzliksizligi támiyinlenip jáne temir jol kesilispelerinde júzege keletuǵın kútiwler hám qáwipli jaǵdaylardıń aldı alınadı. Sonıń menen birge, háreket qáwipsizligi artıp, júk hám jolawshı tasıw nátiyjeliligi artadı.