SPORT — SALAMAT ÓMIR GIREWI

Húrmetli Prezidentimizdiń basshılıǵında usı jıldıń 7-aprel kúni denetárbiya hám sport tarawın bunnan bılay da rawajlandırıw, xalıq hám miynet jámáátlerinde salamat turmıs tárizin keńnen úgit-násiyatlaw boyınsha ótkerilgen videoselektor májilisinde áhmiyetli wazıypalar belgilengen edi.

Atap aytqanda, hár bir ministr, tarmaq hám bank basshısı, sonday-aq, wálayat hám rayon hákimlikleriniń juwapker xızmetkerleri sport penen turaqlı shuǵıllanıwda jeke úlgi kórsetiwi, onıń ushın zárúr sharayatlardı keńeytiwi shárt ekenligi ayrıqsha atap ótilgen edi. Bul baslama sheńberinde hápteniń bir kúni “sport kúni” etip belgilenip, usı kúnde ministrlikler, uyımlar hám shólkemlerde ǵalabalıq sport shınıǵıwları ótkeriletuǵını belgilengen edi.

Usı tapsırmalardıń orınlanıwın támiyinlew maqsetinde Qaraqalpaqstan Respublikası Avtomobil jolları Bas basqarması xızmetkerleri de búgin erte tańnan sport shınıǵıwların baslap jiberdi. Basqarmada sport penen shuǵıllanıw boyınsha arnawlı xana shólkemlestirilip, zárúr sport inventarları menen támiyinlenbekte. Bul bolsa jámáátte salamat ortalıqtı bekkemlew, jumıs ónimdarlıǵın arttırıw hám xızmetkerlerdiń fizikalıq belsendiligin jáne de kúsheytiwge xızmet etpekte.