⚡️”Nókis — Shımbay — Taxtakópir” avtomobil jolında ońlaw jumısları alıp barılmaqta

Taxtakópir RJPMSh tárepinen aymaqtaǵı avtomobil jolların saz jaǵdayda saqlaw hám háreket qáwipsizligin támiyinlew maqsetinde sistemalı jumıslar alıp barılmaqta.

Atap aytqanda, D234 (4R176) Nókis – Shımbay – Taxtakópir avtomobil jolınıń 105-107-kilometr aralıǵında anıqlanǵan kemshiliklerdi saplastırıw jumısları basqıshpa-basqısh ámelge asırılmaqta. Bul uchastkada jol qaplamasında júzege kelgen jarıqlar hám shógiw jaǵdayları arnawlı texnika — freza járdeminde kesip alınıp, zıyanlanǵan qatlam tolıq tazalanbaqta.

Bunnan soń, joldıń bekkemligin tiklew maqsetinde jańa asfalt-beton qaplaması tóselip atır. Bul jumıslar joldıń xızmet múddetin sozıw, transport qurallarınıń háreketi ushın qolaylı hám qáwipsiz sharayat jaratıwǵa xızmet etpekte.